Ny utstilling – opning søndag 8 mars kl 17 Lena Walton Herfindal stiller ut smykke og biletkunst i kunsthallen Stord Kulturhus.

Lena skriv: «Bilda og smykka er laga til utstillinga 8. mars – kvinnedagen, og utstillinga heiter FRI. Me treng kvinners perspektiv, erfaringar og kunnskap, når me utviklar morgondagens løysingar, og me treng dei i alle samanhengar. Kultur er ein viktig del av politikk, fordi det formar fridom hjå alle. Me må alle utfordrast til å ta ansvar og leiarskap i arbeid og fritid. Dette har eg tenkt på, medan eg har laga denne utstillinga.»

 

Kunstutstillinga MAKE syner arbeid av Per Tore Barmen og Siri Brekke

Utstillinga MAKE syner arbeid av Per Tore Barmen og Siri Brekke. Tematisk kretsar utstillinga rundt handtverk, tradisjon arv og vidareføring inn i vår tid. Dette er fyrste separatutstilling på heimstaden. Arbeida har fleire gonger vore vist under Milan Design Week samt ved ei  rekke norske utstillingar. Dette er ein unik sjanse å se flott design og kunsthandverk. 

Henting av kunst

Hei! Nå er medlemsutstillinga ferdig. Vi fikk godt besøk og solgt en del kunst.

Kjøpt kunst kan hentes i kunsthallen på lørdag 9. DES. Kø.14:00. Det samme gjelder henting av kunsten.

om det ikke passe er det flott om dere meld fra til stordkunstlag@gmail.com eller send oss en melding på Facebook sida vår.

Ny kunstvår i kunstlaget

zoetrope2

Stord kunstlag ser fram til ein god start på kunståret hos oss i 2017. Me startar med Årsmøte den 20. februar kl 19.00 i Stord kulturhus, der nytt styre blir konstituert. Alle som ynskjer å delta er hjarteleg velkomne.

I april arrangerer me eit festfyrverkeri av ei utstilling med Stord-kunstnar Bettina Hvidevold Hystad og makkeren hennar Simon Torssell Lerin. Utstillinga opnar den 29. april og varer til den 14. mai.

Kvar sommar gler me oss til å ta imot Høgskulen på Vestlandet sine studentar på Kunst- og handverk si Forskings- og utviklingsutstilling (FOU), i Kunsthallen i Stord kulturhus. Utstillinga opnar i midten av juni.

Rakel Elice Huglen

Opning i Stord kulturhus laurdag 17. september kl. 12:00 med musikk av André Eide.

Stord kunstlag viser tekstiltrykk, silketrykk, objekter og video frå Rakel Elice Huglen i denne utstillinga som gjev tydelega assosiasjonar til det arktiske landskapet Rakel jobbar i til dagleg. Rakel er oppteken av ulike aspekt ved fenomenet tid; spor etter tid som har vore, tida som er nett no og transformasjon som resultat av tid.

Tidlegare har Rakel stilt ut verka sine på Galleri Giga og under Stord kunstlag si Kvinneutstilling, og har hatt fleire utsmykkingsoppdrag for Universitetet i Bergen.